४० अाै साताका विजेतालाई पुरस्कार हस्तान्तरण
इटहरीः अन्नपूर्ण पोष्ट दैनिक पत्रिकाले सञ्चालन गरेको वार्षिक ग्राहक उपहार योजनाअन्तर्गत ४० औं साताका विजेतालाई पुरस्कार वितरण गरिएको छ ।
‘नपर्ने त कुरै छैन’ योजनाअन्तर्गत इटहरीमा पिके पोल्ट्रीका सञ्चालक निर्मल श्रेष्ठलाई यो साताको पुरस्कार परेको थियो । शुक्रबार एक कार्यक्रमकाबीच नागरिक समाज इटहरीका सचिव तथा संगीत साधना प्रतिष्ठानका महासचिव राजु केसीले पुरस्कार हस्तान्तरण गरेका थिए ।
पुरस्कार वितरण समारोहमा अन्नपूर्णका प्रेस इन्चार्ज नरेश दाहाल, इटहरीका वितरण विभाग प्रमुख पर्शुराम पाण्डेलगायतको उपस्थिती थियो । पुरस्कार प्राप्त गरेकोमा श्रेष्ठले खुसी व्यक्त गरेका छन् ।
कार्यक्रममा बोल्दै प्रमुख अतिथी सचिव केसीले यस्ता कार्यक्रमले ग्राहकसँगको सम्बन्ध प्रगाढ बनाउन मद्दत गर्ने बताए । उनले जनताको सुचनाको हकलाई संस्थागत गर्न र गाउँठाउँका घटनालाई पनि जनसमक्ष ल्याउन अन्नपूर्ण पोष्टले खेलिरहेको भूमिकाको पनि प्रशंसा गरे ।
प्रतिक्रिया दिनुहोस !
