काठमाडौः ओप्पो डीएस प्रालिले आफ्नो स्मार्टफोन मोडल ‘ए ३७' को मूल्य घटाएको छ । कम्पनीका अनुसार उपभोक्ताले ओप्पो ‘ए ३७' २० हजार चार सय ९० रुपैयाँमा खरिद गर्न सक्नेछन् ।
पाँच इन्चको आईपीएस डिस्प्लेसहित ओप्पो ‘ए ३७' को पहिलेको मूल्य २२ हजार ६ सय ९० मा दुई हजार दुई सय कटौती गरी ओप्पो ‘ए ३७' बजारमा ल्याएको कम्पनीले जनाएको छ ।
उपभोक्तामाझ उत्कृष्ट सेल्फी क्यामेराका रूपमा परिचित ओप्पोका फोन लोकप्रिय बन्दै गएका छन् । पाँच मेगापिक्सेल फ्रन्ट फेसिङ क्यामेरा रहेको ए ३७ मा अटो फोकस सुविधासहितको ८ मेगा पिक्सेलको रियर क्यामेरा छ ।
दुई जीवी र्याम र १६ जीवी रोम रहेको फोनमा एसडी कार्ड प्रयोग गरी एक सय २८ जीवीसम्म स्टोरेज क्षमता बढाउन सकिने कम्पनीले जनाएको छ । एन्ड्रोइडमा आधारित कलर ओएस ३.० सहितको फोनमा दुई हजार ६ सय ३० एमएएच क्षमताको ब्याट्री छ ।
प्रतिक्रिया दिनुहोस !
