कपिलवस्तुः भारतबाट अवैध ढङ्गले नेपाल भित्र्याइएको ४२ वटा गोरु सशस्त्र प्रहरीले पक्राउ गरेको छ ।
गएराति कृष्णनगरको सीमा नाका नजिकैको विद्यानगर गाविस–३ औरहवाबाट नियन्त्रणमा सशस्त्रले नियन्त्रणमा लिएको हो ।
सशस्त्र प्रहरी बल राजस्व तथा भन्सार सुरक्षा गुल्मका सशस्त्र प्रहरी नायब उपरीक्षक तारिकचन्द्र चौधरी नेतृत्वको टोलीले करिब सात लाख ५६ हजार रुपैयाँ मूल्य पर्ने ती गोरु पक्राउ गरेको हो ।
पक्राउ गरिएका गोरु आवश्यक कानुनी कारवाहीका लागि कृष्णनगर भन्सार नाकामा बुझाइएको छ ।
तस्करीमा संलग्न कसैको पहिचान हुन नसकेको र सो कार्यमा संलग्न तस्करको खोजी भइरहेको सशस्त्र प्रहरी उपरीक्षक चौधरीले बताए । भन्सार बुझाइएको गोरु आवश्यक प्रक्रिया पूरा गरी लिलाम गरिने कृष्णनगर भन्सार कार्यालयले जनाएको छ । रासस
प्रतिक्रिया दिनुहोस !
