काठमाठौः नेपाल फर्निचर तथा फर्निसिङ संघको आयोजनामा शान फर्निचर प्रिजेन्ट्स फर्नेक्स नेपाल-२०१६ आयोजना हुने भएको छ ।
नेपालमा रहेका फर्निचर तथा फर्निसिङ व्यवसायीको हकहित संरक्षण र सम्वद्र्धनका साथै आपसी एकता र सद्भावना कायम गर्ने उद्देश्यका साथ स्थापना भएको नेपाल फर्निचर तथा फर्निसिङ संघले यही मंसिर १७ गतेदेखि काठमाडौंको भृकुटीमन्डपमा मेला आयोजना गर्ने भएको हो । मेला २१ गतेसम्म चल्नेछ ।
फर्निचर तथा फर्निसिङसम्बन्धी नयाँ सामग्री तथा प्रविधिको जानकारी दिन मेलाको आयोजना गर्न लागिएको आयोजकले जनाएको छ । संघले हरेक वर्ष फर्नेक्सको आयोजना गर्दै आएको छ भने व्यवसायसँग प्रत्यक्ष सम्बन्ध राख्ने इन्टेरियर डिजाइन क्षेत्रको प्रवद्र्धन गर्न इन्टेरियर डिजाइनमा प्रतिस्पर्धा गराउँदै आइरहेको छ ।
मेलामा अफिस तथा घरमा राखिने फर्निचरका साथै विभिन्न फर्निसिङका सामग्री पनि प्रदर्शनीमा राखिने छन् । ठूला ४४ तथा साना २३ गरी जम्मा ६७ स्टल रहने मेलाको सम्पूर्ण स्टल बिक्री भैसकेको आयोजकले जनाएको छ ।
६७ स्टलमध्ये ३७ स्वदेशी वस्तुका स्टल र ३० विदेशमा उत्पादन रहने छन् । मेलामा जोर्डन, भारत तथा पाकिस्तानका उत्पादकलेसमेत सहभागिता जनाउने आयोजकले बताएको छ ।
प्रतिक्रिया दिनुहोस !
