काठमाडौः शिवम् सिमेन्ट लिमिटेडले नेपालमै पहिलो पटक निःशुल्क परामर्श तथा जनचेतनाका लागि भ्यानसहितको प्राविधिक सेवा सुरु गरेको छ ।
कम्पनीले निर्माण सामग्रीको गुणस्तर र प्रयोगसम्बन्धी प्राविधिक ज्ञान दिन निःशुल्क रूपमा निर्माणस्थलमै पुगी निर्माण कार्यमा सहयोग पुर्याउने उद्देश्यले प्राविधिक सेवासहितको विभाग गठन गरी सेवा सुरु गरेको हो ।
प्राविधिक टिममा नेपाल र भारतका सिमेन्ट उद्योगमा ३० वर्षभन्दा बढीको कार्यानुभव भएका वरिष्ठ सिमेन्ट तथा कंक्रिट विज्ञ इन्जिनियर रहेको कम्पनीले जनाएको छ ।
शिवम् ब्रान्डको ओपीसी सिमेन्ट उत्पादन तथा बिक्रीवितरण गर्दै आइरहेको कम्पनीले सञ्चालनमा ल्याएको यस सेवाका लागि निःशुल्क टोल फ्रि नम्बर (१६६००१२३२१ नेपाल टेलिकम प्रयोगकर्ताका लागि, ९८०१५७५५७५ एनसेल प्रयोगकर्ताका लागि) सञ्चालनमा ल्याएको छ ।
सेवाका लागि प्राविधिकहरू स्वयं निर्माणस्थलमा उपस्थित भई सल्लाह, सुझाव तथा प्राविधिक विषयको जानकारी गराउने कम्पनीले जनाएको छ । प्राविधिक टिमलाई चुस्त राख्न कम्प्रेसिभ स्टेन्थ टेस्टिङ मेसिनजडित टेक्निकल भ्यान सोमबारबाटै सुरु गरिएको कम्पनीले जनाएको छ ।
प्रतिक्रिया दिनुहोस !
