काठमाडौंः मुलधारको सञ्चारमाध्यममा रहेर शिक्षा विषयमा समाचार लेख्दै आएका सञ्चारकर्मीको संस्था शिक्षा पत्रकार संजाल नेपालको अध्यक्षमा भवानीश्वर गौतम निर्विरोध निर्वाचित भएका छन् । गौतम नयाँ पत्रिका दैनिकमा आबद्ध छन् ।
संस्थाको बुधबार राजधानीमा सम्पन्न अधिवेशनले संस्थाको उपाध्यक्षमा नागरिक दैनिककी रुबी रौनियार, महासचिवमा अन्नपुर्ण पोष्टका सूर्यप्रसाद पाण्डे तथा सचिव र कोषध्यक्षमा क्रमशः कान्तिपुर टेलिभिजनका नारायण किलम्बु र द काठमाडु पोष्टका विनोद घिमिरे चुनिएका छन् ।
सदस्यमा रेडियो कान्तिपुरकी पार्वता चौधरी, नेपाल टेलिभिजनका रविचन्द्र पराजुली, कमाण्डर पोष्टका रुपेश आचार्य, अभियान दैनिककी दुर्गा लामिछाने, राष्ट्रिय समाचार समितिका सरद शर्मा र विष्णु नेपाल निर्वाचित भएका छन् ।
प्रतिक्रिया दिनुहोस !
