काठमाडौः पर्यटक आगमन बढाउन भन्दै नेपाल पर्यटन बोर्डले हिमालयन बैंक र अमेरिकन ‘एक्सप्रेस' सँगको सहकार्यमा ‘एक्सपिरियन्स नेपाल' अभियान सुरु गरेको छ । नेपालको पर्यटकीय गन्तव्यलाई विश्व बजारममा प्रचारप्रसार गर्ने उद्देश्यले अभियान सुरु गरेको बोर्डका प्रमुख कार्यकारी अधिकृत (सिईओ) दीपक जोशीले जानकारी दिए ।
बुधबार राजधानीमा आयोजित विशेष कार्यक्रममा बोर्डका सिईओ जोशी, हिमालयन बैंकका सिईओ अशोकशमशेर जबरा र अमेरिकन एक्सप्रेस को–इन्डियाका सिईओ मनोज अदल्खाले संयुक्त रूपमा अभियानको औपचारिक सुरुवात गरेका थिए ।
पर्यटन प्रवद्र्धन गरी आगामी सन् २०२० सम्म वार्षिक २० लाख पर्यटक नेपाल भित्र्याउने योजनासँगै सन् २०१८ मा ‘नेपाल घुम्ने वर्ष' मनाउने तयारीका साथ अभियान सञ्चालन गरिएको जोशीले बताए ।
यो अभियानमा नेपालका गन्तव्यबारे अमेरिकन एक्सप्रेस आफ्नो वेभ पेज, सामाजिक सञ्जाललगायतका माध्यमबाट नेपालमा आउने पर्यटकले पाउने सुविधा, छुट तथा गन्तव्यसम्बन्धी बजारीकरण गर्नेछ । ३२ मुलुकबाट नेपाल घुम्न आउने पर्यटकलाई नेपालबारे जानकारी दिँदै नेपाल भ्रमण गर्न प्रमोसन गर्नेछ ।
त्यस्तै हिमालयन बैंकले विभिन्न रेडियो, टेलिभिजन तथा पत्रपत्रिकामार्फत अभियानको प्रचारप्रसार गर्ने बैंकका सिईओ अशोकशमशेर जबराले बताए । नेपालमा पर्यटन आगमन बढाउन अभियानले महŒवपूर्ण भूमिका खेल्नेसमेत राणाले दाबी गरे ।
प्रतिक्रिया दिनुहोस !
