काठमाडौँः एमाले सचिव योगेश भट्टराईले व्यवस्थापिका–संसद्मा दर्ता भएको संविधान संशोधनको प्रस्तावले मुलुकलाई अस्थिरता र अन्योलतर्फ धकेल्ने बताएका छन् ।
राजधानीमा पत्रकारसँग भेटघाट गर्दै एमालेका प्रचार विभागका प्रमुखसमेत रहेका भट्टराईले तिनै तहको निर्वाचन सम्पन्न गरी संविधानको कार्यान्वयनमार्फत अघि बढ्नुपर्नेमा जोड दिए ।
नेता भट्टराईले संविधान संशोधन बाँदरको घाउ सरहल हुने बताए । ‘संविधान कार्यान्वयनमार्फत् लोकतान्त्रिक स्थायित्व र आर्थिक समृद्धिको दिशातिर अघि बढ्नुपर्नेमा औचित्य र आवश्यकताबिनाको संशोधन बाँदरको घाउसरह हुन्छ’, भट्टराईले भने ।
कार्यान्वयनको अभ्यासमै नगई सीमाङ्कनको हेरफेर गरिनु संविधानको भावनाविपरीत भएको भन्दै उनले एमालेले आन्दोलनबाट संविधान संशोधनको प्रस्ताव असफल बनाउने नीति लिने बताए। रासस
प्रतिक्रिया दिनुहोस !
