विराटनगरः नागरिक समाज पार्टीका केन्द्रीय संयोजक राजकुमार लेखीले संविधान संशोधनको विधेयक प्रतिगामी रहेको आरोप लगाए ।
शनिबार विराटनगरमा आयोजित पत्रकार सम्मेलनमा उनले थारु, आदिवासी जनजाति, मधेसी, मुस्लिम र दलितसँग छलफल नगरी ल्याइएको विधेयक स्वीकार्य नहुने बताए । उनले विधेयकले सङ्घीय सीमाङ्कन र राज्यको हरेक तहमा समावेशी प्रतिनिधित्व जस्ता मागलाई नसमेटिएकाले प्रतिगामी रहेको बताए ।
उनले उक्त विधेयकलाई परिमार्जित गरी तराईमा दुई प्रदेश सुनिश्चित गर्नुपर्ने माग अघि सारेका छन् ।
कैलाली कञ्चनपुरलाई स्वायत्त थरुहट प्रदेशमा र झापा, मोरङ्, सुनसरी र उदयपुर जिल्लाको त्रियुगा क्षेत्रलाई पूर्वको प्रदेशमा जोड्नुपर्ने उनको भनाइ छ ।रासस
प्रतिक्रिया दिनुहोस !
