काठमाडौं: लालीगुँरास बहुउद्देस्सीय सहकारी संस्था लिमिटेडको १७औं वार्षिक साधारणसभा सम्पन्न भएको छ । सभाको उद्घाटन रक्षामन्त्री बालकृष्ण खाडले गरेका थिए । कार्यक्रममा बोल्दै खाडले नेपालको आर्थिक विकासमा सहकारीले खेलेको भूमिका महत्त्वपूर्ण रहेको बताए । उनले सरकार सहकारीको हित विपरित नचल्ने धारणा राख्दै मुलुकभरका सहकारीले गरेको योगदान बिर्सन नहुने बताए ।
कार्यक्रममा पूर्वमन्त्री एवं सांसद राजेन्द्र पाण्डे, नेपाली कांग्रेसका सांसद ओमदेवी मल्ल, ललितपुरका सांसद मदन अमात्य, उदयशमशेर राणा, पशुपति चौलागाई, पूर्वमन्त्री छविराज वन्तले सहकारी आन्दोलनलाई जागाउने भूमिका सांसदको रहेको बताए । संस्थाका प्रमुख कार्यकारी निर्देशक सुरेन्द्र भन्डारीले चालु आव ०७२/०७३ मा सहकारीले गरेको उपलब्धि, भावी योजना, सम्भावना र भविष्यमा आउन सक्ने चुनौतीबारे जानकारी गराए ।
संस्थाले नेपालको समग्र सहकारी बजारको कुल कारोबार, चुक्ता पुँजी, निक्षेप संकलन, कर्जा लगानी, मुनाफा आर्जन, नेपाल सरकारलाई राजस्वमा गरेको योगदान, रोजगारीलगायत विविध क्षेत्रमा उल्लेखनीय योगदान गरेको छ ।
प्रतिक्रिया दिनुहोस !
