काठमाडौं: कोकाकोलासँगको सहकार्यमा एआईईएसईसीले आयोजना गरेको पाँच दिने एसिया प्रशान्त नेतृत्व शिखर सम्मेलन सम्पन्न भयो । यस क्षेत्रका युवा नेतृत्वबीच सञ्जाल निर्माण गर्नेगरि भएको सम्मेलनमा २४ देशका दुई सय युवाका साथै ५० जना मुख्य टिम सदस्य सहभागी थिए ।
यसका अतिरिक्त सम्मेलनमा सार्वजनिक, निजी तथा तेस्रो मुलुकबाट गरी दुई सय स्थानीय नेपाली विद्यार्थी, व्यावसायिक नेतृत्वकर्ता र विकास विज्ञको सहभागिता थियो । गत मंगलबारदेखि सुरु भएको कार्यक्रम आइतबारसम्म चलेको थियो । कोकाकोलाको मुख्य प्रायोजनमा भएका यस कार्यक्रममा युवाको कल्पना र सोचले भविश्य निर्माण हुने र यसले संसारलाई अझ सुन्दर स्थान बनाउन सहयोग गर्नेछ ।
शिक्षा, स्वयं सेवा र व्यावसायिक तालीम महत्त्वपूर्ण हुने सम्मेलनका सहभागीले बताए । यस सम्मेलनले युवालाई विभिन्न क्षेत्रको नेतृत्व प्रदान गर्नेगरि व्यवसायिक सीप, पर्यावरणीय परिवर्तन, लैंगिक समानता, शिक्षा, नेतृत्व र जलवायु परिवर्तनका क्षेत्रमा छलफलका लागि साझा मञ्च प्रदान गरेको छ । साथै, सम्मेलनमा विश्व सांस्कृतिक गतिविधिलाई आदानप्रदान गर्न ग्लोबल भिलेज, गाला नाइट, नेपाल नाइटलगायतका कार्यक्रमको आयोजना गरिएको थियो ।
प्रतिक्रिया दिनुहोस !
