काठमाडौं: बाइकर्सको स्टन्ट ब्याटल सम्पन्न भएको छ । नेपालमै पहिलो पटक सञ्चालन भएको स्टन्ट इन्डिभिजुअल एक्सपर्टमा सुरज डन्डेगुलु विजयी भएका छन् । सोही विधामा रविन्द्र श्रेष्ठ र रमेश दुलालले क्रमशः दोस्रो र तेस्रो स्थान हासिल गरेको आयोजकले जानकारी दिए ।
त्यसैगरि नोभिस पुरुषतर्फ भीम होना पहिलो, विवेक ह्युम्बा दोस्रो र राम रामानन्द सरदार तेस्रो भएका छन् । महिलातर्फ आरजु सिंह ठकुरी र सुजना श्रेष्ठले उत्कृष्ट प्रदर्शन गरेका थिए । योभन्दा पहिले रेसमान्डु र क्रसमान्डु जस्ता ठूला मोटरसाइकल स्पोर्ट्ससमेत सफलतापूर्वक सम्पन्न गरिसकेको नासा अन्तर्गतको नेपाल मोटरसाइकल फेडरेसन क्लबले एनसीए इभेन्ट्सको सहकार्यमा प्रतियोगिताको आयोजना गरेको थियो ।
प्रतियोगिताको मुख्य प्रायोजक टीभीएस अपाचे रहेको थियो । त्यसैगरि प्रायोजकमा एस ब्रिटिस मोटरसाइकल, यूएम मोटरसाइकल र माउन्टेन डिउ र रेडबुल, म्याक लुब्रिकेन्ट्स, क्यास्ट्रोल लुब्रिकेन्ट्स, पेट्रोनास लुब्रिकेन्ट्स आदि छन् ।
प्रतिक्रिया दिनुहोस !
