काठमाडौः बाइकर्स नेसनल स्टन्ट ब्याटल सम्पन्न भएको छ । नेपालमै पहिलो पटक टीभीएस अपाचे सिरिज आरटीआरको प्रायोजनमा आयोजित नेसनल स्टन्ट ब्याटल शनिबार सम्पन्न भएको हो ।
उक्त स्टन्टमा इन्डिभिजुअल एक्सपर्ट विधामा सुरज डन्डेगुलु विजयी भएका छन् । सोही विधाका रविन्द्र श्रेष्ठ र रमेश दुलाल क्रमशः दोस्रो र तेस्रो भएका छन् । त्यसैगरि नोभिस पुरुषतर्फ भीम होना पहिलो, विवेक ह्युम्बा दोस्रो र राम रामानन्द सरदार तेस्रो भएका छन् ।
महिलातर्फ आरजु सिंह ठकुरी र सुजना श्रेष्ठले उत्कृष्ट प्रदर्शन गरेका थिए । सबैले फरक फरक स्टन्ट प्रदर्शन गरेका थिए । कार्यक्रममा भारतका प्रख्यात राइडर मिलन प्रधानसमेत सहभागी थिए । प्रधानले टीभीएस अपाचे आरटीआर २०० ४केमार्फत आफ्नो प्रतिभा दर्शकसामु पस्किएका थिए ।
उनका सहयोगीले भने टीभीएस विगोमार्फत कला पर्दशन गरेका थिए । यसअघि भएका रेसमान्डु र क्रसमान्डु जस्ता ठूला कार्यक्रमसमेत सफलतापूर्वक सम्पन्न गरिसकेको नासाअन्तर्गतको नेपाल मोटरसाइकल फेडरेसन क्लबले एनसीए इभेन्टसको सहकार्यमा प्रतियोगिताको आयोजना गरेको थियो ।
प्रतिक्रिया दिनुहोस !
