काठमाडौः नेपाल कम्युनिटी डेभलपमेन्ट बैंक लिमिटेडको फर्साटिकर शाखाले बैंकिङ छलफल तथा व्यवसाय प्रवद्र्धन कार्यक्रम २०७३ को आयोजना गरेको छ ।
बैंकले मानपकडीमा मंसिर १५ गते, मटेरियामा १६ गते, छपियामा १७ गते र भुजौली इङलिस बोर्डिङ स्कुल भुजौलीमा १९ गते प्रवद्र्धन कार्यक्रमको आयोजना गरेको थियो । कार्यक्रमको सभापतित्व फर्साटिकर शाखाका प्रबन्धक पोमराज रेग्मीले गरेका थिए ।
कार्यक्रममा प्रमुख अतिथि उमाकान्त उपागाई, विशिष्ट अतिथि झलकबहादुर थापासमेत उपस्थित थिए । कार्यक्रममा उपस्थित उमाकान्त उपागाई, शान्ता ज्ञवाली, होमबहादुर केसीले वनगाइ क्षेत्रमा कम्युनिटी डेभलपमेन्ट बैंकले आयोजना गरेको कार्यक्रम पहिलो भएको बताए । उनीहरूले यस्ता कार्यक्रमले किसानलाई बैंकिङ क्षेत्रको पहुँचमा सहज हुने बताएका थिए ।
प्रतिक्रिया दिनुहोस !
