काठमाडौंः युवा लेग स्पिननर सन्दीप लामिछाने विभागीय टोली एपीएफ क्लबमा आबद्ध भएका छन् । यू–१९ राष्ट्रिय क्रिकेट टोलीका कप्तान सन्दीपले बिहीबार सशस्त्र प्रहरी बलको एपीएफ क्लबसँग आगामी एक वर्षका लागि सम्झौता गरेका हुन् ।
सिनियर राष्ट्रिय टोलीबाट समेत खेलिसकेका सन्दीप हाल अर्काे साताबाट श्रीलंकामा सुरु हुने एसियाली क्रिकेट काउन्सिल (एसीसी) यू–१९ एसिया कपको तयारीमा व्यस्त छन् ।
अस्टे«लियन टोलीका पूर्वकप्तान माइकल क्लार्कको एकेडेमीमा झन्डै दुई महिना अभ्यास गर्ने अवसर पाएका सन्दीप एसिया कपका लागि हालै स्वदेश फर्किएका हुन् ।
सन्दीपले क्लबसँग आगामी एक वर्षका लागि सम्झौता गरेको बताए । ‘एपीएफसँग एक वर्षको सम्झौता भएको छ’, उनले भने । सन्दीपले टोलीमा सिनियर टोलीका कप्तान पारस खड्कालगायतका अनुभवी खेलाडी रहेकाले आफ्ना लागि एपीएफसँगको अनुबन्ध सुखद रहने बताए ।
एपीएफमा पारसलगायत उपकप्तान ज्ञानेन्द्र मल्ल, शक्ति गौचन, वसन्त रेग्मीलगायतका अनुभवी खेलाडी छन् । एपीएफ खेलकुद विभाग प्रमुख डीएसपी प्रेमकुमार श्रेष्ठले पनि सन्दीपलाई अनुबन्ध गरिएको पुष्टि गरे ।
आसन्न सातौं राष्ट्रिय खेलकुद प्रतियोगितामा सहभागी हुनुभन्दा ठीकअघि एपीएफले अनुभवी र क्षमतावान् क्रिकेटर सन्दीपलाई अनुबन्ध गरेको हो ।
अर्काे महिनाको पहिलो सातामै सुरु हुने सातौं राष्ट्रिय खेलकुदमा एपीएफसहित अन्य दुई विभागीय टोली त्रिभुवन आर्मी क्लब र नेपाल पुलिस क्लबसँगै पाँचवटा क्षेत्रीय टोलीले पनि सहभागिता जनाउने छन् ।
प्रतिभावान मानिएका युवा क्रिकेट सन्दीपलाई एपीएफमा अनुबन्ध गरेको सशस्त्र प्रहरी नायब उपरीक्षक (डिएसपी) अजय छत्कुलीले अन्नपूर्ण अनलाइनलाई जानकारी दिए ।
युवा उमेरमै राम्रो खेल प्रदर्शन गरेका सन्दीप अष्ट्रेलियाका पूर्व कप्तान माइकल क्लार्कको एकेडेमीमा दुई महिना क्रिकेटर खेलेर भर्खरै स्वदेश फर्किएका हुन् । सन्दीपको खेलको अष्ट्रेलियामा प्रशंसा भएको थियो ।
प्रतिक्रिया दिनुहोस !
