काठमाडौंः राष्ट्रिय ध्वजाबाहक नेपाल वायुसेवा निगमको कलसाइन आरए कसैले पनि परिवर्तन गर्न नसक्ने संस्कृति, पर्यटन तथा नागरिक उड्डयन मन्त्री जीवनबहादुर शाहीले बताएका छन् । शुक्रबार नेपाल एसोसिएसन अफ टुर एण्ड ट्राभल एजेन्ट्स (नाट्टा)ले स्थपानाको ५० औं स्वर्ण महोत्सवको उद्घाटनपछि बोल्दै शाहीले यस्तो बताएका हुन् ।
वायुसेवा निगमको अन्तर्राष्ट्रिय कल साइन आरए नै हो भने लोकतन्त्र पछिको परिवर्तित शाही नेपाल वायुसेवा निगमबाट शाही हटाइएको छ । ‘नेपाल वायुसेवा निगमकै नामबाट अहिले एनए बनाइएको छ तर अन्तर्राष्ट्रिय कल साइन भने आरए नै छ’ मन्त्री शाहीले भने ।
मन्त्री शाहीका अनुसार अन्तराष्ट्रिय नागरिक उड्डयन संघठन (आइकाओ) मा निगको कलसाईन आरए भएकोले पनि यसैलाई कायम गर्न नेपालको चुनौती भएको बताए ।
कसलाई एनए हुँदा निगमको जहाज वा उडान विदेशीले सर्च गर्दा आरए नै पाउने पनि उनले बताए । आइकाओमा एनए नाइजेरियन एयरको कसलाइन भएकाले पनि नेपालले चाहेर पनि परिवर्तन गर्न सक्दैन ।
नाट्टाले शुक्रबार राजधानीमास्वर्ण महोत्सवको अवसरमा २१ औं नाट्टा कन्भेन्सन आयोजना गरेको छ । राष्ट्रिय प्राथमिकतामा नेपालको पर्यटन उद्योग भन्ने विषयमा गरको कन्भेन्समा स्वदेशी तथा विदेशी सहभागिबीच अन्तरक्रिया गरेको छ ।
कार्यक्रममा नाट्टाले पूर्व अध्यक्ष, नाट्टा सचिवालयका कर्मचारी तथा २५ वर्ष सेवामा क्रियाशील उत्कृष्ट ट्राभल एजेन्सी सम्मान गरेको थियो । कार्यक्रममा नाट्टाका अध्यक्ष मधुसुदन आचार्यले नेपालको पर्यटन प्रवद्र्धन गर्न सरकारसँग हातेमालो गर्न सधै तयार रहेको बताए । कार्यक्रममा पर्यटन राज्यमन्त्री इन्द्र बानियाँले प्रकृतिलाई पर्यटनसँग जोडेर प्रवद्र्धन गर्नुपर्ने आवश्यकता औल्याए ।
प्रतिक्रिया दिनुहोस !
