अपडेटः जन्ती बसले कारलाई ठक्कर दिँदा किचिएर चारजनाको मृत्यु

अपडेटः जन्ती बसले कारलाई ठक्कर दिँदा किचिएर चारजनाको मृत्यु

पथलैयाः बाराको पथलैया अमलेखगन्ज सडकखण्डमा शनिबार बिहान भएको दुर्घटनामा ज्यान गुमाउनेको संख्या चार पुगेको छ । वीरगञ्जबाट हेटौंडाका लागि जन्ती लिएर जाँदै गरेको ना ६ ख ६७५४ बस र विपरीत दिशाबाट आइरहेको ना १२ च ८२९० नम्बरको कार आपसमा ठोक्किएर भएको दुर्घटनामा कारका चालक खोटाङका २३ वर्षीय दीपकबहादुर थापाको घटनास्थलमै मृत्यु भएको थियो।

उपचारका लागि चुरेहिल अस्पताल हेटौडा पुर्‌‍याएकी खोटाङकै कुमारी थापा र उनका ११ महिनाको छोरा जेनिस काफ्लेको उपचारका क्रममा मृत्यु भएको छ। त्यस्तै महेन्द्र आलेको उपचारका क्रममा हेटौंलास्थित जिल्ला अस्पतालमा ज्यान गएको प्रहरीले जनाएको छ ।

घाइते भएका तीन जनाको अवस्था पनि गम्भिर छ। घाइतेको चुरेहिल अस्पतालमा उपचार भइरहेको छ। चालकको शव पोष्टमार्टमका लागि नारायणी उपक्षेत्रीय अस्पताल पुर्‌‍याइएको छ ।

बाक्लो हुस्सुका कारण दुर्घटना भएको अनुमान गरिएपनि कारण खुल्न सकेको छैन। कारमा सात जना सवार थिए । बसमा कति सवार थिए भन्ने यकिन नभएको तथा दुर्घटनास्थलमा पुग्दा बस छाडेर यात्रु तथा चालक फरार भएको पथलैयास्थित मध्य क्षेत्रीय ट्राफिक प्रहरी कार्यालयले जनाएको छ ।


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.