सिमकोटः हुम्लाको सिमकोटस्थित माथिल्लो बजारमा रहेको कैलास फर्निचरमा भएको आगलागीबाट ४५ लाख भन्दा बढी क्षति भएको छ ।
आगलागीका कारण फर्निचरमा रहेका सम्पूर्ण सामग्री जलेर नष्ट भएका छन् ।
फर्निचरमा चार जना कामदार बस्ने गरेको भएपनि आगोलागेपछि उनीहरु बाहिर निस्केकाले सकुशल रहेको प्रमुख जिल्ला अधिकारी डा. कृष्णबहादुर घिमिरेले बताए ।
फर्निरको पछाडि राखिएको भुसबाट आगो सल्किएको हुनसक्ने अनुमान गरिएको छ । आगलागीबाट फर्निचरका सम्पूर्ण सामान जलेर नष्ट भएको सञ्चालक वली रावतले बताए । उनले भने “म घरमा थिए । फर्निचरमा काम गर्ने मात्रै थिए तर राति पौने एकबजे आगलागी भएपछि मात्रै थाहा पाएर गएँ । फर्निचरमा पुग्दा सबै सामान जलेर नष्ट र्भसकेको रहेछ ।” आगलागीबाट फर्निचरमा भएको काठ, मेसिन सबै जलेर नष्ट भएको बताएका रावतले झण्डै ४५ लाख बराबरको क्षति भएको जानकारी दिए ।
नेपाल प्रहरी नयाँ भैरवी गुल्मका नेपाली सेना र स्थानी वासिन्दाले बिहान साढे २ बजे तिर नियन्त्रणमा ल्याइएको थियो । आगलागीको कारणका बारेमा प्रहरीले छानविन गरिरहेको प्रमूख जिल्ला अधिकारी घिमिरेले जानकारी दिए ।
प्रतिक्रिया दिनुहोस !
