काठमाडौं । सिद्धार्थ डेभलपमेन्ट बैंकले २४ प्रतिशत बोनस सेयर वितरण गर्ने प्रस्ताव पारित गरेको छ । बैंकको शुक्रबार सम्पन्न १७ औं वार्षिक साधारण सभाले बोनस प्रस्ताव पारित गरेको हो ।
सञ्चालक समितिको तर्फबाट प्रस्तूत भएको आर्थिक वर्ष २०७२/० ७३ को प्रतिवेदन वासलात, नाफा-नोक्सान हिसाब, नगद प्रवाह विवरण, सोसँग सम्बन्धित अनुसूचीहरू समेत पारित गरेको छ । व्यवसायको आकार, गुणस्तर, सेवाको गुणस्तरियता, मुनाफा, कर्मचारीको कार्यकुशलता तथा सकरात्मक सुधारसहित २४ प्रतिशत बोनस सेयर प्रदान गर्न सफल भएको बैंकका अध्यक्ष रामबहादुर भन्डारीले बताए ।
वित्तीय क्षेत्रमा रहेको तीव्र प्रतिस्पर्धा तथा विद्यमान असहज आर्थिक अवस्थाकाबीच बैंकले सन्तोषजनक सफलता हात पारेको भन्डारीको दाबी छ । आगामी दिनमा बैंकको पुँजीगत आधार सुदृढ ग्राहकमुखि बनाउँदै लैजाने उनले बताए ।
बैंकले आगमी चालु आर्थिक वर्षमा बढीमा आठ स्थानमा शाखा विस्तार गर्ने लक्ष्य राखेको छ । बैंकको चुक्ता पुँजी एक अर्ब ४१ करोड ९१ लख ७६ हजार ६ सय रुपैयाँ छ । पूर्वको विराटनगरदेखि पश्चिमको धनगढीसम्म ३३ वटा शाखा विस्तार भइसकेको बैंकका प्रमुख कार्यकारी अधिकृत अजयकुमार मि श्रले जानकारी दिए ।
प्रतिक्रिया दिनुहोस !
