काठमाडौः मुक्तिनाथ विकास बैंक लिमिटेडले वित्तीय साक्षरता कार्यक्रमको आयोजना गरेको छ । ‘आजको आवश्यकता, विद्यार्थीमा वित्तीय साक्षरता’ भन्ने अभियानका साथ बैंकले एक सय ११ औं वित्तीय साक्षरता कार्यक्रम आयोजना गरेको हो ।
गोगन माध्यामिक विद्यालयमा कक्षा ११ र १२ मा अध्ययनरत ६९ जना विद्यार्थी, सात जना शिक्षक र नेपाल राष्ट्र बैंकका डेपुटी गभर्नर चिन्तामणि सिवाकोटीको सहभागितामा शुक्रबार उक्त कार्यक्रमको आयोजना गरिएको हो ।
कार्यक्रममा उनले हरेक पेसा र क्षेत्रका व्यक्तिलाई वित्तीय साक्षरता आवश्यक रहेको र देशको समृद्धिका लागि वित्तीय साक्षरता अझै आवश्यक रहेको बताए । कार्यक्रममा सिवाकोटीले बचत, बिमा, कर्जा, जोखिम व्यवस्थापन, नोटको जतन, स्वदेशमै उद्यमशीलताको विकास र नेपाल राष्ट्र बैंकको भूमिकाबारे विद्यार्थीलाई जानकारी गराए ।
प्रतिक्रिया दिनुहोस !
