सीमाङकनको विरोधमा धादिङमा प्रदर्शन
धादिङवेशीः प्राविधिक समितिले राजनैतिक स्वार्थ अनुरुप सिमाङकन सिफारिस गरेको भन्दै धादिङवासी विरोधमा उत्रिएका छन् ।
मैदी सलाङ नलाङ र कुम्पुर गाउँविकास समितिका स्थानियले आन्दोलन सुरु गरेका हुन्। उनीहरुले दिनहुँजसो सदरमुकाममा आएर जिल्ला विकास समितिमा धर्ना दिन थालेका छन् ।
सोमबार पनि मैदी गाउँ विकास समिति र नलाङ गाउँ विकास समितिका स्थानियहरुले जिविस गेटमा निर्णय सच्याउन माग गर्दे विरोध प्रदर्शन गरेका थिए ।
उनीहरुले जिविसको गेटमा धर्ना बसी नियमित कामकाजलाई अवरोध सिर्जना गरेका हुन् । यस अघि पनि स्थानीय तह पुनःसरचना प्राविधिक समितिको बैठक बसिरहेको बेला कुम्पुर र मैदी गाविसका स्थानीयबासीहरुले मंगलबार जिल्ला विकास समितिको कार्यालय अगाडि प्रदर्शन गरेका थिए ।
स्थानीय तह पुनःसरचना गर्दा जनतालाई असहज हुने गरी निर्माण गरेको भन्दै बैठकमा सहभागी हुन पुगेका सांसदहरुलाई समेत गेटमा नै रोकेर आफ्ना माग पुरा नभए नेताहरुलाई गाउँ छिर्न नदिने चेतावनी दिए ।
आफ्ना माग पूरा नभए चरणबद्ध ढंगमा आन्दोलनका कार्यक्रमहरु गर्ने चेतवानी दिएका छन् । ‘पुरानै निर्णय कार्यन्वयन गरियोस्, कोहीकसैको दवावमा परेर समितिले निर्णय बदल्ने काम गर्छ भने हामी जस्तोसुकै संघर्षका कार्यक्रम गर्न तयार हुनेछौं' एमाले मैदीका अध्यक्ष भानु दुवाडीले भने ।
प्रतिक्रिया दिनुहोस !
