बुटवलः एमाले उपमहासचिव घनश्याम भुसालले सरकारले कुनैपनि प्रदेशको सीमाना हेरफेर गर्न नसक्ने बताए ।
रेडियो लुम्विनीको १८ औं वार्षिक साधारणसभा तथा अधिवेशनको मंगलबार रुपन्देहीको मणिग्राममा उद्घाटन गर्दै उनले भने, ‘सरकारले ल्याएको संविधान संशोधन प्रस्ताव पास नहुने निश्चित छ ।’
उपमहासचिव भुसालले नेपालले दुई छिमेकी मुलुक चीन र भारतको आर्थिक विकासबाट लाभ लिन नसकेको बर्ता ।
सामुदायिक रेडियोका अभियान्ता रघु मैनालीले रेडियोले आर्थिक, सामाजिकलगायत समाजका हरेक क्षेत्रमा सकारात्मक प्रभाव पार्नुपर्नेमा जोड दिए ।
कार्यक्रममा संस्थाका अध्यक्ष कृष्णप्रसाद अर्यालले रेडियोको भावी योजना समेटिएको वार्षिक प्रतिवेदन प्रस्तुत गरे।
कार्यक्रममा रेडियो कार्यरत कर्मचारी, सञ्चारकर्मीलगायत विभिन्न क्षेत्रबाट सहयोग पुर्याउने व्यक्तिलाई सम्मान गरिएको थियो । रासस
प्रतिक्रिया दिनुहोस !
