प्रधानमन्त्री ‘प्रचण्ड’ मातृका यादवको छोराको बिहेमा जन्ती आउने
सिरहाः प्रधानमन्त्री पुष्पकमल दाहाल ‘प्रचण्ड’ मातृका यादवका छोराको बिहेमा जन्ती आउने भएका छन् । माओवादी केन्द्रका अध्यक्ष समेत रहेका प्रचण्ड पार्टी प्रदेश नम्बर २ का इन्चार्ज समेत रहेका यादवको छोराको बिहेमा जन्ती आउन लागेका हुन् ।
प्रधानमन्त्री प्रचण्ड मातृका यादवको गाउँ धनुषाको सबैलाबाट सिरहाको गोविन्दपुर–२ बस्तीपुर मा जन्ती भएर आउने छन् । माओवादी पोलिटब्यूरो सदस्य हरिनारायण चौधरीले भने प्रधानमन्त्री प्रचण्ड सिरहा क्षेत्र नम्बर ५ को निर्वाचन क्षेत्र भौतिक पूर्वाधार समितिको बैठकमा सहभागी हुन आउने बताए ।
चौधरीले भने, ‘प्रधानमन्त्री प्रचण्ड पहिले निर्वाचित सिरहा क्षेत्र नम्बर ५ को निर्वाचन क्षेत्र भौतिक पूर्वाधार समितिको बैठकमा सहभागी हुन आउँदै हुनुहुन्छ ।’
माओवादी नेताहरुले जन्ती आउने विषयमा प्रष्ट नबताए पनि मधेसका प्रभावशाली नेता मानिएका मातृका यादवको छोराको विवाहलाई प्राथमिकता दिएर प्रचण्ड जन्ती आउन लागेका हुन् ।
प्रतिक्रिया दिनुहोस !
