परासीः पत्रकारिताको माध्यमबाट सीमा अपराध नियन्त्रण र लागूऔषध न्यूनिकरणमा योगदान पुर्याएको भन्दै अन्नपूर्ण पोष्ट्का परासी समाचारदाता हरि शर्मालाई सम्मान गरिएको छ ।
नवलपरासीको सीमा प्रहरी चौकी महेशपुरको नवनिर्मित भवनको बुधवार आयोजित उद्घाटन कार्यक्रममा प्रहरी अतिरिक्त महानिरीक्षक विश्वराज सिंह शाहीले बुधवार पत्रकार शर्मालाई सम्मान गरेका हुन् ।
भवन उद्घाटन गर्दै शाहीले सीमा नाकामा हुने अपराधजन्य कृयाकलाप र अन्य गतिविधिले प्रत्यक्ष रुपमा दुई देशको आन्तरिक मामिला र शान्ति सुरक्षामा गंभिर असर पर्नेहुँदा अरुभन्दा सीमा क्षेत्रका प्रहरीहरु चनाखो र संवेदनशिल भएर काम गर्नुपर्नेमा मातहतलाई निर्देशन दिए ।
पछिल्लो पटक सीमा नाकाबाट हुने जाली नोट तस्करी, मानव वेचविखन, हातहतियार, लागूऔषध ओसारपसारसहित अपराधिक कृयाकलाप बढेको र त्यसबाट नवलपरासी पनि प्रभावित रहेकोले त्यसको नियन्त्रणका लागि भारतीय सुरक्षाकर्मीको समन्वयमा काम गर्न शाहीले निर्देशन दिए ।
द्धन्द्धकालमा माओवादीद्धारा क्षतिग्रस्त उक्त सीमा चौकी भवन एक करोड १९ लाखमा निर्माण गरिएको हो । भवनमा व्यारेक, कार्यालय कोठा र थुनुवासहित सात वटा कोठाहरु छन् ।
प्रतिक्रिया दिनुहोस !
