बनेपाः काभ्रेपलाञ्चोकको बोल्देफेदिचे गाविस-२ मा चक्कु प्रहारबाट गए राति एक व्यक्तिको मृत्यु भएपछि त्यस घटनामा संलग्न रहेको आशङ्कामा प्रहरीले स्थानीयवासी नेमा तामाङ र पञ्च तामाङलाई पक्राउ गरेको छ ।
मृत्यु हुनेमा सो गाविसका ३८ वर्षिय जगतमान तामाङ रहेको जिल्ला प्रहरी कार्यालय, काभ्रेपलाञ्चोकका प्रहरी उपरिक्षक सहकुल थापाले जानकारी दिए । मादक पदार्थ सेवन गरेपछि उनीहरुबीच झगडा भएको र झगडाले उग्र रुप लिँदा ज्यान गएको बताइन्छ ।
उता, जिल्लाको गोकुले गाविसमा मङ्गलबार भएको झगडामा ८ जना घाइते भएको प्रहरीले जनाएको छ । कुटपिट गर्नेको खोजी भइरहेको छ । रासस
प्रतिक्रिया दिनुहोस !
