काठमाडौं: सीटीभी मोबाइल ग्रुपअन्तर्गत सञ्चालनमा आएको एप्पल वल्र्ड मोबाइल प्रालिले वार्षिकोत्सवको अवसर पारेर सबै ब्रान्डका मोबाइल खरिदमा १५ दिनसम्म छुट दिनेछ । साथै मोबाइलको फिक्स मूल्य निर्धारण गरी कारोबार गर्ने प्रालिले जनाएको छ ।
एप्पल वल्र्डका प्रबन्ध निर्देशक अलाइभ ग्लाइडरका अनुसार अन्यत्रभन्दा सस्तो मूल्यमा सबै ब्रान्डका मोबाइल उपलब्ध गराउन एप्पल वल्र्डले १५ दिनसम्म फिक्स मूल्यमा कारोबार गर्न लागेको हो । प्रथम वार्षिकोत्सवका अवसरमा ग्राहकलाई विशेष अवसर ल्याएको बताउँदै ग्लाइडरले ग्राहकसँग ढुक्क भएर मोबाइल एक्सचेन्ज, रिपेयर र मोबाइल खरिद गर्न आग्रह गरेका छन् ।
वार्षिकोत्सवकै अवसर पारेर सीटीभी मोबाइल ताम्राकार कम्प्लेक्स, द वल्र्डभिजन मोबाइल, सीटीसी मल, सीटीभी लिंक इलेक्ट्रोनिक्स केएल टावर चाबहिल र एप्पल वल्र्डले संयुक्त रुपमा दसैंतिहार बम्पर उपहारको लक्की ड्रको घोषणा गरेका छन् ।
बम्पर पुरस्कारअन्तर्गत नवलपरासीका जनक ढकालले स्कुटर प्राप्त गरेका छन् । उनले सीटीसी मलको द वल्र्डभिजन मोबाइलमा सेट खरिद गरेका थिए । बिजेताको घोषणा बैंकर संघका अध्यक्ष अनिल केशरी शाहले गरेका थिए ।
प्रतिक्रिया दिनुहोस !
