काठमाडौंः वल्र्डलिंक कम्युनिकेसनले सस्तोमा दुई एमबीपीएस गतिको इन्टरनेट सेवा उपलब्ध गराउने भएको छ । कम्पनीले ११ सय ५० रुपैयाँमा दुई एमबीपीएसको अनलिमिटेड प्लान उपलब्ध गराउनेछ ।
कम्पनीका अनुसार ग्राहकले यस योजनामा एक वर्षको खरिद गर्दा जडान खर्चमा छुटका साथै निःशुल्क फाइबर राउटरसमेत प्राप्त गर्नेछन् । यस्तै वल्र्डलिंकले इन्टरनेट प्रोटोकल (आईपी) टीभी सेवामासमेत अफर ल्याएको छ ।
इन्टरनेटको माध्यमबाट सबै प्रकारका टीभी हेर्न सकिने सुविधा उपलब्ध गराउँदै आएको वल्र्डलिंकले एक महिनाको आईपी टीभी सेवा खरिद गर्ने नयाँ ग्राहकलाई थप दुई महिना निःशुल्क सेवा दिनेछ ।
यस योजना अनुसार ग्राहकले एक महिनाको सेवा शुल्क तिरेर तीन महिना टीभी हेर्न पाउनेछन् । यस सेवामा ग्राहकले महिनाको चार सय ५० रुपैयाँ शुल्क तिर्नु पर्नेछ । आईपी टीभी सेवा जडान गर्दा नयाँ ग्राहकले सेटअप बक्स र इन्स्टलेसन शुल्क भने तिर्नुपर्नेछ ।
प्रतिक्रिया दिनुहोस !
