काठमाडौं मूलपानी निवासी २० वर्षीया श्रीया हमाल मिस नेसनल नेपाल २०१३ की विजेता हुन् । पाँच फिट चार इन्च अग्ली उनले केही म्युजिक भिडियोमा मोडलिङ गरेकी छन् । भविष्यमा सफल व्यवसायी बन्ने लक्ष्य लिएकी श्रीया ग्ल्यामर क्षेत्रप्रति पनि त्यत्तिकै रुचि राख्छिन् । चलचित्रमा अभिनय गर्ने चाहना पनि पालेकी उनी पछिल्लो समय इभेन्ट म्यानेजर, एमसीका रूपमा कार्यरत छिन् ।
ग्ल्यामर क्षेत्रतिर कसरी आकर्षित हुनुभयो ?
मिस नेसनल नेपालको विजेता बनेपछि केही अवसर पाएँ । त्यसले यो क्षेत्रतिर म झन् आकर्षित भएँ ।
यस क्षेत्रका अप्ठ्यारा पक्ष के लाग्यो ?
बुझेर आयो भने सजिलै छ । नत्र यो क्षेत्रबाट अगाडि बढ्न, समाजमा चिनिन गाह्रो छ ।
यसबीचमा प्राप्त उपलब्धि ?
आत्मविश्वास एवं व्यक्तित्व विकास बढेको छ । अहिले म मासका अगाडि बोल्न सक्छु, आफूमा भएको प्रतिभा लुकाएर बस्नु पर्दैन ।
ग्ल्यामर क्षेत्रमा परिवारको साथ ?
म जुन स्थानमा छु, परिवारको साथले नै हो ।
चलचित्रमा डेब्यु गर्ने मौका पाउनुभयो भने कोसँग अभिनय गर्न चाहनुहुन्छ ?
अनमोल केसी । हाम्रो उमेर पनि मिल्छ र मलाई मन पर्ने कलाकार पनि हो ।
प्रतिक्रिया दिनुहोस !
