काठमाडौं: नेपाल बचत तथा ऋण केन्द्रीय सहकारी संघ(नेफ्स्कुन)को नयाँ नेतृत्वका लागि एमाले- कांग्रेस समर्थित सहकारीकर्मीको साझा उम्मेदवारहरु बिजयी भएका छन् ।
शुक्रबार सहकारीकर्मी तथा एमाले, कांग्रेस शीर्ष नेतृत्वबीच भएको भएको भेलाले तय गरेको सबै उम्मेदवारहरुले चुनाव जितेका हुन् ।
नेफ्स्कुनको आगामी तीन वर्षका लागि २५ औं वार्षिक साधारणसभाको चुनावबाट अध्यक्षमा डिबि बस्नेत, वरिष्ठ उपाध्यक्षमा परितोष पौड्याल, महिला उपाध्यक्ष पार्वती खाँड, महासचिवमा चन्द्र ढकाल, कोषाध्यक्षमा केशव पोखरेल निर्वाचित भएका हुन् ।
त्यस्तै खुला सञ्चालक सदस्यमा उद्वव सापकोटा, नानीकाजी शाक्य, चन्दीप्रसाद ढकाल, भरत ढुवाडी, महिला सञ्चालकमा शान्ति अधिकारी, गोमा नेपाल र शोमा खड्का बिजयी भएका छन् ।
त्यस्तै लेखा समितिको संयोजकमा दामोदर अधिकारी, लेखा समिति सदस्यमा विपिन शर्मा र सुभर्दा महतो बिजयी भएका छन् ।
त्यस्तै प्रदेश १ बाट सञ्चालक सदस्यमा घनश्याम अधिकारी, प्रदेश २ बाट डा कृष्ण पौडेल, प्रदेश ३ बाट दीपक पनेरु, प्रदेश ४ बाट भीम गुरुङ, प्रदेश ५ बाट कृष्ण नेपाल, प्रदेश ६ बाट यज्ञ ढकाल, प्रदेश ७ बाट माधव जोशीले चुनाव जितेका छन् ।
महिला उपाध्यक्ष, कोषाध्यक्ष, लेखा संयोजक र प्रदेश नम्बर नम्बर ६ का उम्मेदवार भने निर्विरोध निर्वाचित भएका हुन् ।
१६ सय २८ मतदातामध्ये १४ सय १७ मत खसेको थियो ।
नेफ्स्कुनको नयाँ नेतृत्वका लागि नेकपा माओवादी समर्थित सहकारीकर्मीले स्वतन्त्र उम्मेदवारका रुपमा नवराज सापकोटाको अध्यक्षतामा चुनाव लडेका थिए ।
प्रतिक्रिया दिनुहोस !
