काठमाडौंः पत्रकार जितेन्द्र जिसी आइसिटी पत्रकारिता सम्मान–२०१६ बाट सम्मानित भएका छन्। आइसिटी पत्रकार विकास मञ्चको काठमाडौंमा भएको छैठौं वार्षिकोत्सव समारोहमा पत्रकार जिसी सम्मानित भएका हुन्।
जिसीलाई कार्यक्रमका प्रमुख अतिथि नेपाली कांग्रेसका नेता प्रकाशमान सिंहले कदर पत्रसहित सम्मान गरेका हुन्। यस्तै आइसिटी जेष्ठ नागरिक सम्मान रामकृष्ण कर्माचार्यलाई प्रदान गरिएको छ।
त्यस्तै आइसिटी पत्रकारिता सम्मानबाट सोल्टी होटलका प्रबन्धक बलराम पाठक, वरिष्ठ पत्रकार प्रेम कैदी, आइसिटी व्यवसायी दिपक मल्होत्रा, समाजसेवी बाबुकाजी पाठक, वैदेशिक रोजगारी व्यवसायी तथा समाजसेवी तारा भट्टराई, नेपाल कराते महासंघका अध्यक्ष दावा गुरुङ, गायक तिलक बस्नेत, फोटो पत्रकार पुकार तिमिल्सिना लगायत सम्मानित भएका थिए।
प्रतिक्रिया दिनुहोस !
