काठमाडौः समिम खानले प्रोस्टाइल म्यानहन्ट इन्टरनेसनल नेपाल २०१६ को उपाधि जितेका छन् । प्रोस्टाइल ड्यान्ड्रफ कन्ट्रोल हेयर आयल तथा हेयर क्रिमको उत्पादक तथा बजार–व्यवस्थापक कम्पनी डाबर नेपालले शनिबार आयोजना गरेको कार्यक्रममा प्रोस्टाइल म्यानहन्ट इन्टरनेसनल नेपाल २०१६ को घोषणा गरेको हो । कार्यक्रमका आयोजक ग्रुप अफ इभेन्ट एन्टरटेनरले विगत १३ वर्षदेखि प्रोस्टाइल म्यानहन्ट इन्टरनेसनल नेपाल कार्यक्रम आयोजना गर्दै आएको छ ।
यस प्रतियोगिताबाट विजेताले एक लाख नगद प्राप्त गरेका छन् । स्याकार ट्रेडिङका तर्फबाट सीबी हर्नेट मोटरसाइकल पनि प्राप्त गरेको आयोजकले जनाएको छ । खानले आउँदो म्यानहन्ट इन्टरनेसनल २०१७ को अन्तर्राष्ट्रिय प्रतियोगितामा नेपालको प्रतिनिधित्व गर्नेछन् ।
प्रतियोगितामा प्रवेश झाले दोस्रो स्थान हासिल गरी नगद २० हजार प्राप्त गरेका थिए भने अनुज मास्केले तेस्रो स्थान हासिल गरी १० हजार नगद हात पारेका थिए । उनीहरूले पनि अन्तर्राष्ट्रिय प्रतियोगितामा नेपालको प्रतिनिधित्व गर्नेछन् ।
प्रतिक्रिया दिनुहोस !
