काभ्रेमा टिप्परको ठक्करबाट एकको मृत्यु, एक घाइते
बनेपाः काभ्रेको पाँचखाल नगरपालिका–४ मा टिप्परको ठक्करबाट एक जनाको मृत्यु भएको छ। अर्का एक जना घाइते भएका छन्।
सोमबार दिउँसो बा ३ ख ६६६९ नम्वरको टिप्परले ठक्कर दिँदा स्थानीय ठाकुर निमावीका शिक्षक कृष्ण त्रिपाठीको घटनास्थलमै मृत्यु भएको जिल्ला प्रहरी कार्यलयका एसपी सहकुल थापाले जानकारी दिए।
टिप्परको ठक्करबाट प्रकाश बानियाँ घाइते भएका छन्। उनको धुलिखेल अस्पतालमा उपचार भइरहेको एसपी थापाले बताए।
घटना लगत्तै टिप्पर चालक भने फरार भएको र उनको खोजी भइरहेको एसपी थापाले जानकारी दिए।
प्रतिक्रिया दिनुहोस !
