काठमाडौः जेडटीईले नेपाली मोबाइल खरिदकर्तालाई लक्षित गरी ‘वार्म विन्टर अफर' योजना ल्याएको छ । कम्पनीले ल्याएको यस अफरअन्तर्गत मोबाइल खरिदकर्ताले कार्ड स्क्र्याच गरी विभिन्न सियोर सट (पक्का) उपहार प्राप्त गर्नेछन् ।
कम्पनीका अनुसार कार्ड स्क्र्याच गरेर ग्राहकले बाल्ट्राको हिटर, थर्मस, इलेक्ट्रिक केटल, २६०० एमएएचको पावर बैंक, सेल्फी स्टिक, १० हजार एमएएचको पावर बैंक र नगद उपहार पाउन सक्नेछन् । पछिल्लो समय जेडटीईले ल्याएका एक्जोन सिरिजका दुई वटा स्मार्टफोन चर्चित छन् ।
जेडटीई ब्लेड एस ६, एस सेभेन र भी सेभेन लाइट मोडलमा कम मूल्यका स्मार्टफोन हुन् । जेडटीई एक्जोन सिरिजमा एक्जोन इलाइट र एक्जोन मिनि मोडेल अहिले बजारमा उपलब्ध छन् । १३ मेगापिक्सेलको ड्युल क्यामेरासहितको एक्जोन इलाइटमा तीन जीबीको र्याम रहेको छ ।
स्नापड्रागन ८१०, २ गिगाहर्ज अक्टाकोर प्रोसेसर रहेको स्मार्टफोनको बजार मूल्य ३३ हजार नौ सय रहेको छ । साथै यो अफर जेडटीईका सम्पूर्ण मोबाइल प्रोडक्टमा लागू हुनेछ ।
प्रतिक्रिया दिनुहोस !
