चाबहिलमा टिपरको ठक्करबाट महिलाको ज्यान गयो
काठमाडौंः काठमाडौंको चाबहिलमा टिप्परको ठक्करबाट एक जनाको मृत्यु भएको छ।
मित्रपार्कबाट चाबहिलतर्फ गइरहेको बा ४ ख ४९२६ नम्बरको टिप्परले मंगलबार विहान बाटो काट्ने क्रममा ठक्कर दिँदा झापा सताशिधामकी ३२ वर्षीया कला भट्टराई क्षेत्रीको घटनास्थलमै मृत्यु भएको डिएसपी नवराज कार्कीले जानकारी दिए।
टिप्परले भट्टराईलाई बाटो काट्ने क्रममा चाबहिलको मित्रपार्कमा ठक्कर दिएको कार्कीले बताए। कार्कीका अनुसार मृतक भट्टराई पेशाले टेम्पो चालक हुन्।
ठक्कर दिने टिप्पर र चालकलाई भने प्रहरीले आफ्नो नियन्त्रणमा लिएको छ। घटनाबारे अनुसन्धान भइरहेको प्रहरीले जनाएको छ।
प्रतिक्रिया दिनुहोस !
