गृहमन्त्री निधि र स्वीट्जरल्याण्डका राजदूतबीच भेटवार्ता
काठमाडौंः उपप्रधान एवं गृहमन्त्री विमलेन्द्र निधि र नेपालका लागि स्वीट्जरल्याण्डका राजदूत डा. जर्ज जोभानीबीच भेटवार्ता भएको छ।
मंगलबार गृह मन्त्रालयमा भएको भेटमा उनीहरुबीच नेपालको पछिल्लो राजनीतिक परिबर्तन, आपसी सम्बन्ध र द्विपक्षीय सहयोगका बारेमा कुराकानी भएको थियो।
भेटमा गृहमन्त्री निधिले नेपालको विकास निर्माणमा स्वीट्जरल्याण्डले गरेको सहयोगका लागि धन्यवाद दिएको गृह मन्त्री निधिका प्रेस सल्लाहकार रामजी दाहालले जानकारी दिए।
राजदूत जर्जले स्वीजरल्याण्डका तर्फबाट आगामी दिनमा पनि नेपालको विकास निर्माणमा सहयोग गर्ने प्रतिबद्धता जनाएका थिए।
प्रतिक्रिया दिनुहोस !
