काठमाडौं: शिवम् सिमेन्ट लिमिटेडले प्रतिबद्धात्मक अभियान 'सम्झौता नगरौं' सुरु गरेको छ । विभिन्न समयमा ग्राहक लक्षित कार्यक्रम सञ्चालन गर्दै आएको कम्पनीले आफ्नो गुणस्तरको पहिचान कायम राख्दै बजार प्रवद्र्धन गर्दै आएको जनाएको छ । कम्पनीले शिवम् ब्रान्डको ओपीसी सिमेन्ट उत्पादन तथा बिक्रीवितरण गर्दै आएकोमा ग्राहक वर्ग तथा आम उपभोक्तासमक्ष समयअनुकूल विभिन्न किसिमका योजना तथा कार्यक्रम गर्दै आएको जनाएको छ ।
उक्त क्रममा अब शिवम् सिमेन्टले क्वालिटीको मामलामा 'नो कम्पेरिजन' भन्ने प्रतिबद्धात्मक अभियानसहित बजारमा प्रस्तुत भएको जनाएको छ । उक्त अभियानको प्रारम्भिक चरणमा तीन दिनका लागि दैनिक बिहानदेखि बेलुकासम्म नेपालका विभिन्न सहरमा सामाजिक जनचेतनामूलक प्ले कार्ड राखिएको छ । कम्पनीले नेपालका प्रमुख सहरका चोक, अस्पताल, सार्वजनिक स्थल, मन्दिर परिसर र चौरमा विभिन्न सन्देशमूलक प्लेकार्ड बोकेर मानिसहरू खटाएको छ ।
खासगरी काठमाडौं, हेटौंडा, पोखरा, नारायणगढ, वीरगन्ज, जनकपुरलगाय सहरका सार्वजनिक स्थानमा प्लेकार्ड लिएर बसेका मानिस उल्लेख्य रूपमा देखिनेछन् । विभिन्न महत्त्वपूर्ण विषयसँग सम्बन्धित शब्दको पछाडि 'नो कम्पेरिजन' (सम्झौता नगरौं) भन्ने उल्लेख गरिएको छ । हस्पिटल, स्वास्थ्य, धार्मिक आस्था, सडक अनुशासन, पारिवारिक खुसी, फिटनेस, बचतजस्ता कुरामा सम्झौता नगरौं भन्ने सन्देशमूलक प्लेकार्ड बोकेर मानिसहरू खटिएको कम्पनीले जनाएको छ ।
प्रतिक्रिया दिनुहोस !
