संविधान संशोधन प्रस्तावको विरोधमा थाल जुलुश
कपिलवस्तुः संविधान संशोधन प्रस्तावमा पाँच नम्बर प्रदेशलाई पहाडी जिल्लाबाट अलग्याएको भन्दै विपक्षी राजनैतिक दलका कार्यकर्ताले बुधबार कपिलवस्तुमा विरोध प्रदर्शन गरेका छन् ।
जिल्लाको पुर्व पश्चिम राजमार्गका विभिन्न स्थानमा सयौंको संख्यामा उपस्थित भएका महिलाले थाल ठटाउंदै संविधान संशोधन प्रस्ताव फिर्ता लिन सरकारसँग माग गरेका थिए ।
जिल्लाको चन्द्रौटा, ईमिलिया, गोरुसिंगे, जितपुर, पिपरा लगायतका स्थानमा महिला सडकमा प्रदर्शन गर्दै सरकार विरोधी नारा जुलुश गरेका हुन् ।
नेकपा एमालेका जिल्ला अध्यक्ष झवि पोख्रेलको संयोजनमा जितपुरमा निस्केको महिलाले जुलुश प्रदर्शन गर्दै पिपरामा गएर कोण सभा गरेका थिए ।
संविधान संशोधन प्रस्तावकोविरुद्धमा बन्द हड्तालको सट्टा रचनात्मक ढंगबाट महिलाले सरकारलाई दबाब दिन थाल जुलुश निकालेको आन्दोलनरत महिलाहरुले बताएका छन् ।
थाल जुलुसमा नेकपा एमालेकी पुर्व सभासद् शान्ति देवी हरिजन, सांसद विश्राम थारु लगायतका नेताको उपस्थिति रहेको थियो ।
प्रतिक्रिया दिनुहोस !
