काठमाडौः गोदरेज ब्रान्डले आफ्ना उत्पादनका लागि ‘सप इन सप' योजना अघि बढाएको छ । त्यही अनुरुप कम्पनीले बिहीबार पहिलो पटक कोटेश्वर पेप्सीकोलामा न्यु म्याक्स डिजिटलबाट योजनाको शुभारम्भ गरेको हो ।
कम्पनीका भारतका लागि हेड एक्सपर्टका साथै सेल्स एक्सपर्ट अभित एम जोशीका अनुसार कम्पनीले आफ्नो सेवालाई ग्राहकमाझ सहज रूपले पुर्याउन विस्तार योजना अधि बढाएको हो । ‘सप इन सप' योजना अनुसार कम्पनीले विभिन्न स्थानमा रहेका डिलर तथा पसलभित्र गोदरेजको छुट्टै पसल खाल्नेछ ।
सप विस्तार योजनामा गोदरेजका वासिङ मेसिन, माइक्रो ओभनकालगायतका सामग्री राखिनेछन् । जोशीका अनुसार ‘सप इन सप' गोदरेजको आफ्नो छुट्टै पसल हो । ग्राहकले एउटै पसलमा गोदरेजका सम्पूर्ण सामग्री प्राप्त गर्नेछन् ।
साथै ग्राहकले बिना झन्झट डिलरको भ्रमण गरी सामान खरिद गर्न सक्ने जनाएको छ । यो योजना कम्पनीले आफ्नो ब्रान्डको विस्तारका साथै ग्राहकमैत्री सेवाका लािग सुरु गरेको जोशीले बताए । उनका अनुसार यो योजना काठमाडौंमा पाँच र पोखरा विराटनगरलगायत गरी ३० वटा पसल सञ्चालनमा आउनेछन् ।
विश्वस्तरीय डिजाइन र सुविधा सम्पन्न उत्पादनका लागि प्रख्यात गोदरेजले नेपालमा वासिङ मेसिन, माइक्रो ओभनका साथै विभिन्न सामग्री भिœयाएको छ । कम्पनीको नेपालका लागि आधिकारिक बिक्रेता सीजी गु्रपअन्तर्गतको ईओएल प्रालिले गोदरेजका सामान बिक्री गर्दै आएको छ ।
प्रतिक्रिया दिनुहोस !
