काठमाडौंः नबिल बैंक सञ्चालक समितिका अध्यक्ष शम्भुप्रसाद पौड्यालले जिफोरएस सेक्युरिटी सर्भिसेज नेपाल प्रालिका सुरक्षा गार्डलाई सम्मान गरेका छन् । बैंकको कान्तिपथ शाखामा कार्यरत सुरक्षा गार्ड यदुनाथ पोखरेललाई उनले गरेको सराहनीय कामका लागि सम्मान गरिएको हो ।
सम्मान स्वरुप पोखरेललाई ५० हजार रुपैयाँ नगदसहित प्रशंसा पत्र पनि प्रदान गरिएको छ । कान्तिपथ शाखाको एटीएम बुथमा भएका संकास्पद गतिविधिलाई निगरानीमा लिई सम्बन्धित ठाउँमा जानकारी गराइ पक्राउ गर्नसमेत सहयोग गरेकाले पोखरेललाई सम्मान गरिएको अध्यक्ष पोड्यालले जानकारी गराए । उनले यस सम्मानले थप हौसला प्राप्त भएको र अझ बढी जिम्मेवारीपूर्वक काम गर्ने जिम्मेवारी थपेको बिचार व्यक्त गरे ।
प्रतिक्रिया दिनुहोस !
