काठमाडौः लक्ष्मी ग्रुपले आफ्नो ४३ औं वार्षिक उत्सवका अवसरमा सामाजिक उत्तरदायित्व बहन गर्दै विभिन्न क्षेत्रमा सहयोग पुर्याएको छ । ग्रुपले आफ्नो प्रधान कार्यलय पोखरा र कर्पोरेट कार्यालय काठमाडौंमा ‘रक्तदान जीवनदान' भन्ने मूल नारा साथ रक्तदान कार्यक्रम आयोजना गरेको जनाएको छ ।
त्यसमा पोखरास्थित कार्यालयमा ५० तथा काठमाडौंस्थित कार्यालयमा सय जनाले रत्तदान गरेका छन् । त्यस्तै लक्ष्मी गु्रपको भ्रातृ संस्था लक्ष्मी इन्टरकन्टिनेन्टल प्रालिले पुस ३ गते पोखरा जिल्ला प्रहरीलाई २५ थान ड्यास क्याम प्रदान गरेको थियो ।
साथै चोभारस्थित जलविनायक मन्दिर र वरपरका क्षेत्रमा सरसफाइ कार्यक्रम आयोजना गरेको कम्पनीले जनाएको छ । ग्रुपले नेपालमा भएका मस्तिस्क पक्षघातबाट पीडित बालबालिकाको उत्थानमा कार्यरत एसजीसीपी नेपालका बालबालिकालाई स्कुल ब्याग प्रदान गर्नुका साथै विभिन्न खेलको आयोजना गरेको थियो ।
यसका साथै लक्ष्मी ग्रुपका अन्य भ्रातृ संस्था सुजल फुड्स प्रालि, सुजल डेरी प्रालि, जया प्याकेजिङ प्रालि, सुजल प्लास्टिक प्रालि, लक्ष्मी इन्टरकन्टिनेन्टल प्रालि र जय माँ इन्टरकन्टिनेन्टल प्रालिले पनि विभिन्न कार्यक्रम आयोजना गरेको गु्रपले जनाएको छ । ग्रुपले नक्सालस्थित बालमन्दिरका बालबालिकालाई विभिन्न कन्फेक्सनरी उत्पादन वितरणसमेत गरेको छ ।
प्रतिक्रिया दिनुहोस !
