सयभन्दा बढी यात्रु बोकेको विमान अपहरणमा
एजेन्सी : चालकदलका सात सदस्यसहित ११८ जना यात्रु लिएर उडेको लिबियाको अफ्रिकिया विमान कम्पनीको एयरबस ए ३२० अपहरणमा परेको छ। अपहरणपछि जबर्जस्ती मल्टामा अवतरण गराइएको छ।
अफ्रिकिया विमानसेवाको उक्त विमान विमानलाई सैनिकले घेरा हालेका राखेका छन्। उक्त विमानमा १११ जना यात्रु र ७ जना चालकदलका सदस्यहरु रहेका छन्।केही यात्रुहरुलाई बाहिर निस्कन दिइएको छ। त्यसमा महिला र बालबालिका रहेका छन्।
विमानबाट निस्कन अनुमति पाउनेको संख्या करिब पचासभन्दा बढी रहेको जनाइएको छ।
एकजना व्यक्तिले आफूसँग ह्याण्ड ग्रिनेड रहेको भन्दै विमानलाई जबरजस्ती अवतरण गर्न लगाएका थिए र नगराए विस्फोट गराइदिने धम्की दिएका थिए।
अपहरणकारीले के कस्तो माग राखेका छन् भन्ने बारेमा अझै स्पष्ट भएको छैन।
यसैबीच मल्टाको अन्तर्राष्ट्रिय विमानस्थल बन्द गरिएको छ भने त्यहाँ आउने जाने विमानहरुलाई अन्यत्रै मोडिएको छ।
प्रतिक्रिया दिनुहोस !
