हात्तीको आक्रमणबाट एक वृद्धको मृत्यु
राजविराजः घरमा सुतिरहेका एक वृद्धको हात्तीको आक्रमणमा परी मृत्यु भएको छ।
सप्तरीको भारदह–९ स्थित बलुवा गाउँमा जङ्गली हात्तीको आक्रमणबाट स्थानीय ६० वर्षीय रघुनाथ खङ्गको मृत्यु भएको प्रहरीले जनाएको छ।
कोशी टप्पु वन्य जन्तु आरक्षबाट आएका हात्तीको समूहले घरमा आक्रमण गरेपछि सुतिरहेका खंगले हात्ती धपाउन खोजेका थिए। धपाउन गएका वृद्धलाई जङ्गली हात्तीले लखेटेर मारेको इलाका प्रहरी कार्यालय भारदहले जनाएको छ।
खङ्गको शब पोष्टमार्टमका लागि राजविराजस्थित गजेन्द्रनारायण सिंह सगरमाथा अञ्चल अस्पताल ल्याइएको छ।
प्रतिक्रिया दिनुहोस !
