काठमाडौः हुवावेले स्मार्टफोनको विश्वव्यापी बजारमा डुअल क्यामराका साथ हुवावे जीआर ५ २०१७ सार्वजनिक गरेको छ । आकर्षक र शक्तिशाली स्मार्टफोन उचित बजेटमा सपिङ गर्न रुचाउने प्राविधिक ट्रेन्डसेटरका लागि लक्षित गर्दै कम्पनीले बजारमा यो फोन सार्वजानक गरेको हो ।
आफ्नो प्रिमियम डिजाइन र अत्याधुनिक प्रविधिका कारण हुवावे जीआर ५ जस्तै नै ह्वावे जीआर ५, २०१७ पनि अधिक मूल्यका ह्यान्डसेटलाई कडा प्रतिस्पर्धा दिन सक्षम हुने कम्पनीले जनाएको छ । बजेटप्रति सचेत हुने प्रयोगकर्ताका लागि यो स्मार्टफोन डिभाइसमा डुअल क्यामरा रहेको छ ।
यसले सबैलाई उत्कृष्ट फोटो खिच्ने डुअल क्यामराको पावर प्रदान गर्नेछ । १२ एमबी र २ एमबी रियर क्यामराले मात्र ०.३ सेकेन्डमा एक साथ अटोफोकस गरेर प्रयोगकर्तालाई डाइनामिक डेप्थ अफ फिल्ड प्रदान गर्ने कम्पनीले जनाएको छ ।
यसले फोटोलाई राम्रो स्पष्ट र वाइड–एंगल सट प्रदान गर्नेछ । फोनमा १० लेभलको ब्युटी मोड, अटो मेक अप मोडजस्ता परफेक्ट सेल्फी फिचर रहेको छ । आठ एमपी फ्रन्ट क्यामरामा रहेको फोनमा ३३४० एमएएचको ठूलो ब्याट्री र ह्वावेको आफ्नै इन्टेलिजेन्ट पावर सेभिङ प्रविधि रहेको छ ।
हाइसिल्कन किरण ६६५ अक्टाकोर प्रोसेसर रहेको फोनमा ०.३ को ३६० डिग्री रिडेबिलिटीको फिंगरप्रिन्ट रहेको छ । ५.५ इन्चको फुल हाई डेफिनेसन ठूलो स्क्रिन रहेको छ । यसको बजार मूल्य २९ हजार नौ सय ९९ रहेको कम्पनीले जनाएको छ ।
प्रतिक्रिया दिनुहोस !
