काठमाडौः टोयोटा गाडीका नेपालका लागि आधिकारिक वितरक युनाइटेड टेडर्स सिन्डिकेटले कुपण्डोलमा आफ्नो सेवा विस्तार गरेको छ । उक्त सोरुमको उद्घाटन युनाइटेड टेडर्स सिन्डिकेटका अध्यक्ष सुरज वैद्य र प्रबन्धनिर्देशक रितुसिंह वैद्यले संयुक्त रूपमा गरेका छन् ।
उक्त अवसरमा नयाँ गाडी खरिद गर्ने सातजना ग्राहकलाई साँचो हस्तान्तरण गरियो कम्पनीले जनाएको छ । टोयोटा गाडी बिक्री गर्दै आएको इस्टलिंक मोटर्स प्रालिले उक्त शाखा शनिबारदेखि सञ्चालनमा ल्याएको हो । नयाँ शाखामा टोयोटाका विभिन्न मोडलका गाडी खरिद गर्न सकिनेछ ।
कम्पनीले नयाँ शाखा स्थापना गरेको उपलक्ष्यमा टोयोटा गाडी खरिदकर्ताका लागि विशेष सुविधा तथा अफर पनि उपलब्ध गराएको जनाएको छ । सोरुम अन्तर्राष्ट्रिय मापदण्डअनुसारको रहेको र सोरुम भ्रमण गर्न आउने ग्राहकले टोयोटाको अन्तर्राष्ट्रिय मापदण्डअनुरूप निर्माण भएको अनुभव गर्न पाउने कम्पनीले जनाएको छ ।
प्रतिक्रिया दिनुहोस !
