काठमाडौः कञ्चन डेभलपमेन्ट बैंक लिमिटेडले सेयरधनीलाई चुक्ता पुँजीको २५ प्रतिशत बोनस दिने भएको छ । बैंक सञ्चालक समितिका अध्यक्ष शिवसिंह कार्कीको अध्यक्षतामा शनिबार सम्पन्न सातौं वार्षिक साधारण सभाले आफ्ना सेयरधनीलाई चुक्ता पुँजीको २५ प्रतिशत बोनस सेयर र कर प्रयोजनका लागि १.३२ प्रतिशत नगद लाभांश प्रदान गर्ने निर्णय गरेको हो ।
आर्थिक वर्ष २०७२/०७३ को वित्तीय विवरण पारित गरेको बैंकले जनाएको छ । सञ्चालक समितिद्वारा कञ्चन डेभलपमेन्ट बैंकले यस वर्ष कञ्चनपुरको दैजी, बेलडाँडी र बेलौरीमा शाखा सञ्चालनमा ल्याइसकेको जनाएको छ ।
साथै भविष्यमा कैलालीका सुखड, बौनिया, लम्की तथा टीकापुरमा यसै आर्थिक वर्षमा शाखा सञ्चालन हुने जानकारी गराइएको छ । यस जिल्लामा लामो समयसम्म पत्रकारिता क्षेत्रमा कार्यरत पत्रकार स्वर्गीय कर्ण बोहोराकी श्रीमतीको औषधोपचारका लागि सञ्चालक समितिका सदस्यको १ दिनको पारि श्रमिकबापतको १८ हजार दुई सय ७५ र बैंक कर्मचारीका तर्फबाट ३२ हजार सात सय २५ गरी जम्मा ५१ हजार सहयोग गरेको जनाएको छ ।
प्रतिक्रिया दिनुहोस !
