काठमाडौः दरवारमार्गस्थित मर्कन्टायल प्लाजामा क्रिसमस तथा नयाँ वर्षको अवसर पारेर मोबाइल मेला सुरु भएको छ । नयाँ वर्षको अवसर पारेर सीटीभी मोबाइल, द वल्डभिजन मोबाइल, लिंक इलेक्ट्रोनिक्स मोबाइल, सीटीभी केयर र एप्पल वल्र्ड मोबाइलले संयुक्त रूपमा मोबाइल मेला आयोजना गरेका हुन् ।
मेला अवधिभर सबै ब्रान्डका मोबाइल सस्तोमा बिक्रीवितरण तथा एक घन्टामा मोबाइल मर्मत गरिने मोबाइल मेलाका संयोजक तथा एप्पल वल्र्ड मोबाइलका प्रबन्ध निर्देशक अलाइभ ग्लाइडरले बताए । मेलामा एप्पल वल्र्ड मोबाइल र सीटीभी केयरले संयुक्त रूपमा एक घन्टे मोबाइल केयर सेवा पनि सञ्चालनमा ल्याएका छन् ।
साथै मेला अवधिभर मोबाइल एक्सचेन्ज सेवा पनि उपलब्ध हुनेछ । एक हजार दुई सयदेखि एक लाख ३० हजारसम्मका मोबाइल सेट पाइने उक्त मेलामा एसेसिरिजमा ५० प्रतिशतसम्म छुट दिइने संयोजक ग्लाइडरले बताए । क्रिसमसको दिनदेखि सुरु भएको यो मेला १५ दिनसम्म रहने र अन्य बजारमाभन्दा सस्तोमा मोबाइल उपलब्ध गराइने वल्र्डभिजन मोबाइल प्रालिका प्रबन्ध निर्देशक संगम राईले बताए ।
प्रतिक्रिया दिनुहोस !
