काठमाडौः नामी कलेजका विद्यार्थीसँग निर्वाण बिष्टले क्रिसमस इभ मनाएका छन् । विश्वको सबैभन्दा छिटो गितार बजाउने बिष्टको उपस्थितिमा कलेजले क्रिसमस इभ मनाएको हो ।
कार्यक्रममा बिष्टले कलेजका विद्यार्थीलाई दुई वर्षको अन्तरालमा विश्वको सबैभन्दा छिटो गितार बजाउने व्यक्तिका रूपमा स्थापित भएको आफ्नो अनुभव सुनाएका थिए । साथै उनले कार्यक्रममा ‘फ्लाइट अफ द बम्बलबी' मा गितार बजाएर सुनाएका थिए । फ्लाइट अफ द बम्बलबीमा उनले बजाएको गितारको गतिले सन २०१५ मा विश्व रेकर्ड राख्न सफल भएको थियो ।
एमबीए, बीबीए, बीएसी, कम्प्युटर नेटवर्क इन्जिनियरिङ, वातावरणीय साइन्सजस्ता विषयको अध्यापन गराउँदै आएको कलेजले आफ्ना विद्यार्थीलाई अतिरिक्त कार्यक्रममा सहभागी गराउने उद्देश्यका साथ उक्त कार्यक्रमको आयोजना गरेको थियो ।
प्रतिक्रिया दिनुहोस !
