काठमाडौः राजधानीको भृकुटीमण्डपस्थित प्रदर्शनीहलमा चलिरेको १३ औं जुत्ता प्रदर्शनीमा फेसन सोको आयोजना गरिएको छ । फुटवेयर म्यानुफ्याक्चर एसोसिएसनको आयोजनामा आयोजित सोमा मोडलहरूले नेपाली ब्रान्डका विभिन्न जुत्ताचप्पल लगाएर नेपाली पहिरनमा र्यापमा क्वाटवाक गरेका थिए ।
उक्त फेसन सो मेला प्रदर्शनीस्थलमै आयोजना गरिएको थियो । मेलामा सिलाइ व्यवसायीको सहभागिता भएकाले मेलाको नारा नै नेपाली बुट नेपाली सुट रहेको छ । प्रदर्शनीमा स्वदेशी छालाका जुत्ता तथा वस्तु उत्पादक, स्वदेशी कपडा तथा सिलाइ व्यवसायीको सहभागिता छ ।
प्रदर्शनी मुख्यत नेपाली छालाका जुत्ता, ज्याकेट, ब्याग, सुट, पाइन्टका स्टल राखिएका छन् । हालसम्म करिब ७० हजार अवलोकनकर्ताले मेलाको अवलोकन गरिसकेका छन् । सोमबार नेकपा एमालेका वरिष्ठ नेता तथा पूर्व प्रधानमन्त्री झलनाथ खनाललेसमेत मेलाको अवलोकन गरेका थिए । एक सय २५ स्टल रहेको मेलामा कपडा तथा सिलाइका १५, छालाजन्य वस्तुका दुई र अन्य जुत्ताचप्पलका स्टल रहेका छन् ।
प्रतिक्रिया दिनुहोस !
