काठमाडौः तोसिबाको नेपालका लागि आधिकारिक बिक्रेता चौधरी गु्रपअन्तर्गत रहेको ईओएल प्रालिले तोसिबाका एलईडी टीभी र घरायसी सामान नेपाली बजारमा भित्र्याएको छ ।
शुक्रबार ईओएल प्रालि र तोसिबा कर्पोरेसन लिमिटेड जापानबीच संयुक्त रूपमा नेपाली बजार व्यवस्थापनका लागि तोसिबाका घरायसी उत्पादन बिक्रीवितरण गर्ने सम्झौता भएको छ । योसँगै कम्पनीले नेपाली बजारमा तोसिबाको उत्पादन भित्र्याएको हो । तोसिबा संसारको सबैभन्दा ठूलो घरायसी सामान उत्पादन गर्ने एकमात्र कम्पनी हो ।
नेपाली बजार तथा ग्राहकलाई ध्यानमा राखी ईओएल प्रालिले तोसिबाका प्रमुख उत्पादन एलईडी टीभी, रेफ्रिजेरेटर र वासिङ मेसिन बजारमा ल्याएको छ । कम्पनीको एलईडी टीभी एक विशेष प्रकारको अत्याधुनिक उत्पादन भएको कम्पनीको दाबी छ । टीभी एल ५६ सिरिज, एल ३६ सिरिज र एल २६ सिरिज गरी विभिन्न तीन सिरिजमा उपलब्ध छन् ।
प्रतिक्रिया दिनुहोस !
