काठमाडौः साहित्यकार कमलमणि दीक्षितको निधन भएको छ। दीक्षितको ८७ वर्षको उमेरमा बिहीबार बिहान २ः४५ बजे ललितपुरमा निधन भएको हो। साहित्य क्षेत्रमा क्रियाशील दीक्षितका थुप्रै फुटकर रचना र करिब ६० वटा पुस्तक प्रकाशित छन् ।
केही समयदेखि उनी श्वास प्रश्वासको समस्याबाट ग्रसित थिए । उनको बीएण्डबी अस्पतालमा उपचार भइरहेको थियो । दीक्षितको बिहीबार बिहानै पशुपति आर्यघाटस्थित विद्युतीय शवदाह गृहमा अन्त्येष्टी गरिएको छ ।
मदन पुरस्कार पुस्तकालय तथा मदन पुरस्कार गुठीका अध्यक्षसमेत रहेका दीक्षित पिता केदारमणि आचार्य तथा माता विद्यादेवी दीक्षितका माइला छोरा हुन्। दीक्षितका दुई छोरा र एक छोरी छन् । पत्रकारद्वय कुन्द दीक्षित र कनक दीक्षित उनका छोरा हुन् । उनकी छोरी रुपा जोशी सामाजिक गतिविधिमा सक्रिय छिन् ।
दीक्षितको सक्रियतामा नेपाली भाषा तथा साहित्यसँग सम्बन्धित सामग्रीहरूको अभिलेख राख्ने उद्देश्यका साथ २०१२ सालमा मदन पुरस्कार पुस्तकालय तथा मदन पुरस्कार गुठीको स्थापना भएको थियो । गुठीमार्फत् नेपाली भाषामा प्रकाशित हुने उत्कृष्ट पुस्तकका निम्ति प्रदान गरिने मदन पुरस्कार (२०१२ सालदेखि) र नेपाली भाषाको श्री-वृद्धिका लागि योगदान वापत प्रदान गरिने जगदम्बा (श्री पुरस्कार ९२०४५ सालदेखि) प्रदान गरिदै आएको छ।
यससँगै उनी मदन मेमोरियल स्कुल, साझा प्रकाशन, गोरखापत्र संस्थान, रोटरी क्लब, जनक-जानकी सभा, बीपी कोइराला संग्रहालय समिति, बीपी कोइराला नेपाल-भारत प्रतिष्ठान आदि जस्ता दर्जनौं भाषिक, साहित्यिक, सांस्कृतिक संस्थाहरूमा सक्रिय थिए।
साहित्य क्षेत्रमा क्रियाशील दीक्षितका थुर्पै फुटकर रचना र करिब ६० वटा पुस्तक प्रकाशित छन्। दीक्षित साझा प्रकाशन, गोरखापत्र संस्थान, मदन मेमोरियल स्कुल, रोटरी क्लब, बीपी कोइराला संग्रहालय समितिलगायत दर्जनौं भाषिक, साहित्यिक, सांस्कृतिक संस्थामा सक्रिय थिए।
प्रतिक्रिया दिनुहोस !
